Mu burasirazuba bwa Kivu y’amajyepfo , muri Repubulika iharanira Demokarasi ya Kongo, harabarurwa abagera kuri 129 bishwe mu kwezi kwa Nyakanga 2020. Abasivili 129 barishwe, 99 barashimuswe n’inshuro 66 zo guhangana kw’imitwe yitwaje intwaro.
Iyi mibare igaragazwa na icyegeranyo cy’inzego z’umutekano muri Kivu nkuko bigaragazwa n’inyandiko yo kuwa 12 Ukwakira 2020, yahawe 7SUR7.CD Rwandatribune.com ikesha iyi nkuru ifitiyy Kopi..
Iki cyegeranyo kirashyira mu majwi umutwe wa NDC-R, umutwe witwaje intwaro uzwi nka Nduma Defense of Reneve ukorera mu kibaye cya teritwari ya Kivu.
Iki cyegeranyo kigaragaza ko ubuhangana n’imitwe yitwaje intwaro no kuyihiga byateje urupfu rw’abasivili 15 mu gihe cy’ukwezi kumwe mu gace ka Walikale.
Iki cyegeranyo gishimangira ko muri teritwari ya Uvira hamenyekanye abasivili19 bishwe bishingiye ku mutekano muke wabonetse mu kibaya cya Rusizi.
Na none iki cyegeranyo kigaragaza ko teritwari ya Beni ariyo iomeje kuza ku isonga mu gutakaza abasivili benshi aho hamaze kwicwa abagera kuri 29, bishwe mu kwezi kwa Nyakanga n’intagondwa z’abayisoilamu zizwi nka Forces Démocratiques Alliés (ADF) mu gihe abakabakaba 44 , bishwe mu kwezi kwa Kamena.
Iyi raporo igashimangira ko izi mpinduka zigabanuka ry’abapfuye ryatewe na operasiyo za “Sukola I” y’ingabo za Repubulika iharanira Demokarasi ya Kongo des (FARDC) zatangiye ibikorwa byazo kuwa 24 Nyakanga 2020 zigamije guhashya imitwe yitwaje intwaro.
Iperereza ryo rigaragaza ibitero 15 byo guhangana n’imitwe yitwaje intwaro byagabwe mu kwezi kwa Nyakanga i Lubero aho abasivili 11 biciwe i Walikale.
Iri perereza rigahamya ko kuwa 10 Nyakanga 2020, umutwe wa NDC-R uyobowe na Guidon mu gace ka Ihula wishe abasivili 8 , hagakomereka 4.
Na none iyi raporo ikomeza igaragaza ko ibitero ku mitwe yitwaje intwaro i Masisi, byakozwe kuva kuwa 13 Kamena bikagera kuwa 15 Nyakanga.
Yemeza kandi ko ingabo za Repubulika iharanira Demokarasi ya Kongo (FARDC) zafashe mpiri umuyobozi wa Nyatura Delta, ubwo bari babateze igico kuwa 27 Nyakanga. Aha ni naho i raporo yemeza ko umuyobozi mukuru w’uyu mutwe Jenerali Manga, yicanwe n’abagabo 3 bamurindaga.
Iki cyegeranyo gikomeza uyu mutwe wa NDC-R byawugizeho ingaruka zitari nziza aho izi nyeshyamba zari zikambitse i Bwito muri teritwari ya Rutshuru.
Uyu mutwe wahise utera ibirindiro bya FARDC i Bikenge kuwa 21 Nyakanga wibasirwa bikomeye n’abahoze mu mutwe wa M23.
Aba barwanyi bongeye kumenyekana nk’ikindi gitero ku ngabo za FARDC i Bukima, igitero cyabaye kuwa 31 Nyakanga 2020.
Iki cyegeranyo kigaragaza ko abagera kuri 20 bo mu mutwe wa Raia Mutomboki wa Makindu, bagarutse muri Nyakanga muri teritwari ya Shabunda, nyuma yo guhugurwa n’abagabo ba Yakutumba, mu gihe cy’amezi 4 muri teritwari ya Fizi.
Iyi raporo ihamya ko abasivili 19 biciwe Uvira harimo13 bishwe n’ingabo za FARDC mu gace ka Sange.
Mu kibaya cya Ruzizi havugwamo ko kuwa 16 Nyakanga 2020. hishwe abasivili 15 hakanatwikwa inzu z’abaturage 25 mu gace ka Kipupu, Alinga, Kongwe na Kiseke, byose bikozwe n’inyeshyamba za Twirwaneho.
Mu gusoza icyegeranyo gihamya ko umutwe urwanya Leta y’u Rwanda uzwi nka Congrès National Rwandais (CNR) werekeje muri bibaya bya Kivu y’amajyepfo unyuze mu kiyaga cya Tanganyika ugahinguka i Kazmia, muri teritwari ya Fizi.
Twibutse ko intambara hagati y’imitwe yitwaje intwaro mu bibaya bya Kivu y’amajyepfo zimaze imyaka isaga 10. Bikaba bigaragara ko uko kutumvikana kw’imitwe yitwaje intwaro, kwakajije umurego mu mwaka wa 2019 ndetse bikaba bikomeje kwiyongera kandi bikibasira umubare munini w’abasivili.
SETORA Janvier
