Uwahoze ari umukuru w’abarwanyi muri Republika ya demokarasi ya Congo kuri uyu wa mbere tariki ya 24 Ugushyingo 2020 yakatiwe igifungo cya burundu n’ubutabera bw’iki gihugu,akaba yahamwe n’ibyaha byo gufata abagore ku ngufu,iyica rubozo no kwinjiza abana mu gisilikare.
Urukiko rwa gisilikare rwa Congo rwashinje Ntabo Ntaberi sheka ibyaha by’ubwicanyi byakozwe nawe ubwe ndetse n’abarwanyi yari ayoboye,Umuryango w’abibumbye ONU washimye igihano cyahawe uyu Komanda mukuru wa Mai Mai Ceka.
Intumwa ya ONU muri RDC, Leila Zerrougui, yavuze ko iki cyemezo cy’urukiko cyerekanye ko umuco wo kudahana uzagenda ucika muri iki gihugu.
Sheka yashinze umutwew’inyeshyamba aranawiyitirira ku mazina ya Mai Mai Ceka,nyuma waje guhindurirwa izina witwa Nduma Defense du Congo, NDC, ukorera mu ntara ya Kivu y’amajyaruguru, intego yawo kwari kurwanya Inyeshyamba z’Abanyarwanda bo muri FDLR.
Abategetsi ba Congo basohoye impapuro zita muri yombi Sheka mu kwezi kwa mbere mu 2011, inyuma y’ibyaha byakozwe n’umutwe we wa NDC hamwe n’iyindi mitwe ibiri yashinjwaga ,ibyaha byo kurimbura inyoko muntu, gusambanya abantu hafi 400 mu midugudu 13 hagati y’ukwezi kwa karindwi n’ukwa munani mu 2010.
Umutwe w’inyeshyamba za NDC zishinjwa kwinjiza abarwanyi 154 b’abana, Sheka yaje kwishikiriza Ingabo za ONUzizwi nka MONUSCO mu kwezi kwa ndwi 2017.
Mwizerwa Ally
