Ingabo za Leta ziravuga ko zirikugenzura uduce twa Gisuma, Bufaransa na Zunguruka zifatanyije na Wazalendo
Igisirikare cya Repubulika ya Demokarasi ya Congo, FARDC, n’abafatanyabikorwa bacyo, zigambye ko zirukanye umutwe wa mu bice bya Gisuma, Bufaransa na Zunguruka,Umuvugizi w’ingabo za FARDC Gen.Bgd Leon Kasonga akaba yemeje ayo amakuru mu kiganiro yagiranye n’Umunyamakuru wacu uri Goma.
Uruhande rwa M23 Umuvugizi wayo mu bya politike Laurence Kanyuka mu butumwa yanyujije kuri X yahoze ari twitter asobanura ko ibi bitero byahitanye abaturage b’inzirakarengane.
Yagize ati “Kuri uyu wa Kabiri, itariki ya 17 Nzeri 2024, ahagana mu ma saa 12h30 z’ijoro, ibitero by’urugomo byakozwe n’ingabo zishyize hamwe z’ubutegetsi bwa Kinshasa byibasiye uturere dutuwe cyane i Lukopfu, Gisuma, Bufaransa na Zunguruka”.
Yakomeje agira ati “Ibi bitero byateje kubura ubuzima bw’abantu benshi kandi bikura mu byabo abenegihugu bene wacu benshi, bibiba ubwoba no kwiheba”.
Yongeyeho ko ubu M23 ikomeje kwirwanaho no kurinda abaturage,ariko Bwana Kanyuka ntiyemeje cyangwa ngo avuguruze iby’aya makuru ingabo za Leta zatangaje.
Abakurikiranira hafi iby’umutekano wa Congo bavuga ko mu gihe kiri imbere hashobora kuba intambara ikomeye iruta uyabanje,kuko uruhande rwa FARDC rumaze iminsi rwitegura intambara mu mpande zose.
Mwizerwa Ally
Rwandatribune
