Mu iburanisha ryabaye kuri uyu wa kane, tariki ya 14 Ukuboza, Urukiko rurinda iremezo ry’Itegeko Nshinga rwanze ikirego cya bamwe mu bakandida batavuga rumwe n’ubutegetsi mu matora y’umukuru w’igihugu ya 2023 barega perezida wa komisiyo yigenga y’amatora (CENI), Denis Kadima, na Minisitiri w’intebe wungirije Peter Kazadi.
Abo bahanganye babatanzeho ikirego harimo Théodore Ngoy, Martin Fayulu na Denis Mukwege. Bari batanze ikirego kuri Denis Kadima na Peter Kazadi kubera kutubahiriza imigendekere myiza n’iyubahirizwa ry’amategeko mu gihe cy’amatora.
By’umwihariko, banenze CENI kubera inenge ku makarita y’itora no kutamenya umubare nyawo w’abazatora watanzwe na CENI mu buryo butandukanye.
Naho Peter Kazadi yashinjwaga ibura ry’ abapolisi 25 bagomba kurinda umutekano w’abakandida Perezida . Iki kirego cyateshejwe agaciro urukiko ruvuga ko kidafite ishingiro.
Mucunguzi obed.
Rwandatribune.com
