Umusirikare wari ufite ipeti rya Lieutenant mu gisirikare cya Repubulika Iharanira Demokarasi ya Congo (FARDC) yishwe n’umutwe wa Mai-Mai usanzwe uri mu mitwe ifasha iki Gisirikare, wamwivuganye umuziza kuba ari uwo mu bwoko bw’Abatutsi.
Amakuru aturuka muri Congo, avuga ko uyu musirikare witwa Gahaya Adrien, yiciwe muri Lokarite ya Kimoka akaba yakomokaga muri Sheferi ya Burundi.
Uwatanze amakuru, yavuze ko Lieutenant Gahaya Adrien yishwe arashwe n’abarwanyi b’umutwe wa Mai-Mai APCLS bari mu bufatanye bw’imitwe yiyemeje gufasha FARDC mu rugamba rwo guhashya umutwe wa M23.
Hari abandi basesenguzi kandi bavuze ko uyu musirikare yakekwagaho kuba yashakaga gusanga umutwe wa M23, ku buryo iraswa rye ryagizwemo uruhare na FARDC yamuteje uyu mutwe kugira ngo umwice.
Si rimwe cyangwa kabiri humvikanye impfu z’abasirikare ba FARDC bishwe bazira ko ari abo mu bwoko bw’Abatutsi, ndetse bamwe bakaba baragiye bagaragara bakorerwa ibikorwa by’iyicarubozo ku manywa y’ihangu mu ruhame.
RWANDATRIBUNE.COM
