Abarwanyi bikekwa ko ari aba M23 bateye ahitwa Bukima bica umurinzi wa Pariki ya Virunga abandi barakomereka
Mu masaha ya saa moya z’ijoro nibwo abarwanyi bikekwako ari aba M23 bateye ahitwa Bukima muri Gurupoma ya Jomba,Teritwari ya Rutshuru bica umurinzi wa Pariki ya Virunga abandi 5 barakomereka, mu mirwano yamaze iminota 45 ingabo za FARDC zari ziharinze zikizwa n’amaguru.
Isoko y’amakuru ya Rwandatribune iri mu gace ka Bunagana yatubwiye ko iyi mirwano yamaze iminota 45 amasasu ahita ahoshya nyuma niho byaje kumenyekana ko ibirindiro by’Abarinzi ba Pariki n’iby’ingabo za Leta zikorera muri ako gace byose byaterewe icyarimwe.
Umwe mu basilikare bakorera muri ako gace utashyatse ko amazina ye atangazwa yabwiye Rwandatribune ko abo barwanyi batwaye ibikoresho byinshi birimo imbunda n’amasasu by’ingabo za Leta bakaba basubiye mu Ishyamba.
Ku murongo wa telefoni twashatse kuvugana n’Umuvugizi wa FARDC muri ako gace Lt.Col Ndjike Kaiko atubwira ko atarabona amakuru yuzuye ko namara kuyabona abitumenyesha, ku ruhande rwa M23 ntacyo baratangaza ku bijyanye n’iyi mirwano.
Mwizerwa Ally
