Benshi mu Banyekongo batavuga rumwe na Leta ya Felix Tshisekedi bavuga ko ikibazo cya M23 ataricyo gikomeye kurushya imitwe ya ADF NALU na CODECO yirirwa itema abantu imitwe muri Ituri na Beni.
Umushakashatsi akaba n’impuguke mu bya politiki n’umutekano muri Repubulika iharanira demokarasi Dr.Kambale Emile mu kiganiro yagiranye na Rwandatribune,yasobanuye ko abasesenguzi mu bya politiki basanga Perezida Tshisekedi,yarashyize imbere ikibazo cya M23kurushya ibindi bibazo byinshi byugarije Leta ya Congo,aho muri iki gihugu habarizwa imitwa irenga 200 yitwaje intwaro.
Uyu musesenguzi avuga ko imitwe nka ADF NALU,CODECO, Mai Mai Yakutumba na FDLR igenzura ahantu hakubye inshuro icumi ubutaka bufitwe na M23,kandi kenshi usanga bene iyo mitwe yarashinzwe na bamwe mu basirikare bo mu ngabo za Leta ya Congo. Uyu musesenguzi akomeza avuga ko nta munsi wira muri Ituri na Beni hadapfuye abatuarage basaga 20 bishwe n’iriya mitwe.
Kuba Perezida Tshisekedi akomeje gutakambira amahanga ndetse n’Abanyekongo ku kibazo cya M23 iyi mpuguke isanga ari amayeri arimo akora yo kurangaza rubanda yerekana ko ari mu ntambara igihugu cye cyatewe maze ibi bizamuhe kwigizayo amatora ateganyijwe mu mwaka wa 2023.
Iyi mpuguke kandi isanga intege nke za Perezida Tshisekedi ziha imbaraga abo azahangana nabo barimo Joseph Kabila n’ishyaka rye PPRD cyane ko mu byo yari yemereye abaturage nta na gatanu ku ijana yabakoreye ahubwo byatumye ikibazo cy’umutekano muke gikura ku buryo burenze.
Mwizerwa Ally
Arikose niba iyo turufu ya Tshisekedi ariyo koko,ubu aryohewe n’iki gituma ashaka kuguma ku butegetsi? Ku bwanjye mbona ahubwo wakabaye umwanya wo kuva ku butegetsi urebye uburyo ikibazo cya M23 cyenda kumusaza ntavuze ibindi bitabarika!
Ariko birazwi ko Tshisekedi ashaka kuguma k’ubutegetsi nt’amatora abaye. Ubundi amatora asubikwa cga avanwaho iyo hari state of emergency itewe n’intambara, icyorezo k’indwara cga amapfa. Kubera ko nta cyorezo nta namapfa, intambara yonyine niyo Tshisekedi yakoresha kugirango agume k’ubutegetsi. Azabibazwa umunsi umwe!
Ubuse ikibazo cyamunaniye kuva cyera,azagikemura muri icyo gihe azaba atinzamo amatora?