RDC:Col.Sematama Charles wari Komanda wa Rejima ya 3411 muri FARDC yatorotse ajya kwifatanya na Col.Makanika

Col.Sematama Charles Sebanyana wari Umuyobozi w’ibiro bikuru by’ingabo za Congo FARDC Rejima ya 3411 yatorokanye intwaro nyinshi ajya kwifatanya na Col.Makanika I Murenge

Amakuru dukesha ikigo Kivu Security Tracker kibinyujijwe k’urukuta rwacyo rwa Twitter cyemeje aya makuru y’itoroka rya Col.Sematama Charles wari Umuyobozi w’ingabo mu gace ka Masisi Kicanga ni hagati ya Kivu y’amajyaruguru na Kivu y’Amajyepfo.

Umwe mu basilikare ba FARDC utashatse ko amazina ye atangazwa yavuze ko Uyu muyobozi wa Rejima ya 3411 yatorokanye itsinda rinini ry’abasilikare cyane biganje mu bwoko bw’Abanyamurenge,berekeza muri Kivu y’amajyepfo kwifatanya na Mai Mai y’abanyamurenge ikuriwe na Col.Makanika nawe wahize muri FARDC.

Uyu musilikare kandi avuga ko bafite amakuru ko aba Ofisiye bakuru bo mu bwoko bw’Abanyamurenge bafite gahunda yo gusohoka mu ngabo za Congo FARDC bakajya gutera ingabo mu bitugu Col.Makanika abanyamurenge bafata nk’umucunguzi wabo,aho yakomeje kwirwanaho abatsindira inyeshyamba za Mai mai Birozebishambuke y’Abafurero.

Igikomeje kuba urujijo n’uko bamwe mu bakurikirana ibibazo bya Congo bavuga ko iri toroka ry’Abanyamurenge babaga muri FARDC rishobora kuba ari nk’ikirunga kijunditse umuriro,kuko bamwe batarashira amakenga nib anta kaboko ka Perezida Kabila kaba kihishemo.

Mu kiganiro Rwandatribune yagiranye na Col.Makanika yamaganye ayo makuru avuga ko ibibazo abanyamurenge bikoreye uwahoze ari Perezida wa congo Joseph Kabila ariwe nyirabayazana wabyo nta rwego ruremeza aya makuru y’itoroka rya Col Sematama cyangwa ngo ruyahakane twashatse kuri telephone ngendanwa Umuvugizi w’igisilikare cya muri Operasiyo Zokola II Major.Ndjike Kaiko ntitwamubona.

Kubazi uyu Col.Sebanyana ni umugabo w’imyaka 45 akaba yarinjiye muri FARDC mu gihe cya RCD Goma,akaba yari indwanyi ikomeye Komanda mwiza benshi bakaba bavuga ko intambara iMurenge ishobora gusubira ibubisi,kuba kandi abanyamurenge baranze kwinjira mu ihuriro rya Perezida Kisekedi Union Sacre bivuze icyuho kinini muri politiki ya Kisekedi cyane cyane mu ntara ya Kivu y’amajyepfo,kugeza ubu abahanzwe amaso ni Karaha na Moise Nyarugabo basa n’abakurikiranira hafi umukino wa Perezida Kisekedi na Perezida Kabila.

Kambale Shamukiga