Ingabo za FARDC zibyutse zitera amabombe mu bice bitandukanye bigenzurwa n’umutwe wa M23
Muri iki gitondo muri Lokarite ya Kibumba habyukiye urusaku rwinshi rw’ama Bombe arikuhaterwa n’ingabo za Leta FARDC isoko ya Rwandatribune iri mu gace ka 3 antennes yemeje ayo makuru.
Umwe mu baturage batuye mu gace ka Buhumba yabwiye umunyamakuru wacu uri Goma ,ko muri iki gihe ingabo za Leta zikomeje kongera umubare w’abasilikare benshi mu nkengero za Kibumba ,uyu muturage kandi avuga ko abarwanyi ba FDLR bari bakambitse ahitwa Kibati boherejwe gutanga ubufasha mu bikorwa byo kwigarurira agace ka Kibumba.
Imirwano ikomeje guca ibintu hagati ya FARDC ishyigikiwe n’imitwe ya Wazalendo na FDLR, muri iyi mirwano kandi haravugwamo Batayo ebyiri zoherejwe n’igisilikare cy’uBurundi cyaje gutanga ubufasha ku ruhande rw’ingabo za Leta ya Congo.
Mu kiganiro aherutse kugirana n’itangazamakuru Gen.Maj Peter Chirimwami yavuze ko yahawe amabwiriza na Perezida wa Congo-Kinshasa ko agomba kwirukana umutwe wa M23 aho ugenzura hose kugirango abaturage bitabire amatora ateganyijwe mu kwezi k’ukuboza.
Mwizerwa Ally
