François Beya wahoze ari umujyanama wa Perezida Tshisekedi mu by’umutekano wari umaze igihe afunzwe n’urwego rw’iperereza akekwaho gutegura guhirika ubutegetsi bwa Perezida Tshisekedi yarekuwe by’agateganyo.
François Beya yafashwe muri yombi tariki ya 6 Gshyantare 2022 ubwo byakekwaga ko yari yateguye guhirika ubutegetsi bwa Perezida Tshisekedi afatanije na bamwe mu bakozi b’urwego rw’ubutasi (ANR).
Amakuru yizewe Rwandatribune yamenye ni uko François Beya nyuma yo kumara amezi arenga 3 ahatwa ibibazo muri Kasho za ANR kuri ubu yahawe uburenganzira bwo gutahaiwe by’agatekanyo.
Ubwo yatabwaga muri yombi, Ibiro bya Perezida wa Repubulika byatangaje ko Beya yatawe muri yombi kuwa gatandatu ahagana saa sita z’amanywa. Ku cyumweru i Kinshasa habaye imyigaragambyo y’abashyigikiye Tshisekedi yamagana kugerageza guhirika ubutegetsi.
