Umwuka w’intambara uratutumba ku Bazalendo babarizwa mu cyama cya CMC/FDP na RUD URUNANA na Mai mai MPA .
Taliki ya 15 gicurasi 2023 umutwe wa MPA wasohoye itangazo rivuga ko muri iryo joro ibirindiro byabo biri ahitwa Rusayo byagabweho igitero n’abantu batazwi ,kigahitana abarwanyi bawo batatu abandi abagakomereka,amakuru Rwandatribune yaje kumenya n’uko nyuma y’aho abandi barwanyi batanu b’uwo mutwe bari barikomeretse baje kugwa mu bitaro bya CROIX ROUGE bikorera iGoma.
Mu gitondo cyo kuwa 16 Gicurasi 2023,habaye intambara y’amagambo hagati ya Gen.Domi wa CMC/FDP na Col.Niyoyo Jeanvier Komanda wa MPA,aho abarwanyi ba MPA bakomeje gushinja Gen.Domi ko ariwe wohereje abarwanyi bo kubatera ,iki gikorwa kigayitse kandi cyamaganywe n’indi mitwe ya Mai mai irimo Gen.Kabido ukuriye Mai mai FPP/AP,Gen.Guidon na CMC/FAPC ya Gen.Ndaribitse Bigabo.
Isoko y’amakuru iri Rusayu ivuga ko mbere y’uko MPA iraswa hari hamaze iminsi hari amanama menshi yagiye ahuza Maj.Bizabishaka wa FDLR na Col.Mbitezi izo nama zavugaga ko Col.Niyoyo na Eric Busholi bagomba kwicwa,umutwe wa FDLR wo wemeye ko uzagira uruhare mu gutanga amakuru yatuma igikorwa cyihuta,mu gihe Gen.Domi abinyujije kuri Col.Mbitezi yemeye ko uwakwica Col.Jeanvier,Col Faida wa RUD na Eric Bushori wa MPA yabahembwa ibihumbi icumu by’amadorari y’Amerika.
Umutwe wa CMC/FDP ishinja Komanda mukuru wa RUD URUNANA Col.Faida gushgikira itsinda ry’abarwanyi ba MPA kumwigomekaho,mu gihe itsinda rya MPA naryo rivuga ko Gen.Domi ari umwicanyi kandi ko batakorana nawe.
Gen.Dominique Ndaruhutse wo mu bwoko bw’Abakongomani b’Abahutu ashinjwa kwica bene wabo no kubafungisha abaziza kudahuza nawe ibitekerezo,urutonde rwasohowe n’imiryango utagengwa na Leta ikorera muri Rutchuro harimo umunyapolitiki Bugembe Nicolas wari ukuriya CMC/FAPC,Gen.Thade wa CMC/FDP,Bruno Gatoto Bisaka,Byamungu Garubanda,Bonane Hakiza n’abandi ,Sosiyete sivile ivuga ko hari n’abandi yafungishije barimo Hakizumwami Damien uzwi nka Mucoma n’abandi ..
Ubwo twandikaga iyi nkuru isoko y’amakuru ya Rwandatribune iri Rusayu ivuga ko umutwe wa MPA na RUD URUNANA batewe impungenge n’abarwanyi benshi ba Gen.Domi barigukwirakwizwa mu gace ka Nyabanira,Giseguro Busanza n’ahandi bikaba byateje urwikango ko Gen.Domi afatanyije na FDLR bashaka kwirukana inyeshyamba za MPA na RUD URUNANA muri ako gace.
Uwineza Adeline
