Nyampinga w’u Rwanda wa 2017, Iradukunda Elsa ari mu maboko ya RIB imukurikiranyeho ibyaha bifitanye isano no gushaka kubangamira iperereza riri gukorwa kuri Prince Kid ukurikiranyweho gukorera ihohoterwa rishingiye ku gitsina yakorewe bamwe mu bakobwa bitabiriye Miss Rwanda.
Iradukunda Elsa yatawe muri yombi mu gihe hakomeje gucicikana itangazo bivugwa ko yanditse avuga ko nta hohoterwa rishingiye ku gitsina ryigeze rikorwa na Prince Kid.
Dr Murangira B. Thierry, Umuvugizi w’Urwego rw’Igihugu rw’Ubugenzacyaha (RIB) yemeje ko Iradukunda Elsa yatawe muri yombi akurikiranyweho gukoresha inyandiko mpimbano.
Iyo nyandiko mpimbano yagaragaye ko yanditswe na Miss Elsa tariki 04 Gicurasi 2022 igashyirwaho umukono na Noteri tariki 03 Gicurasi 2022.
Dr Murangira B. Thierry yagize ati “akurikiranweho ibyaha birimo gukoresha inyandiko mpimbano no kubangamira iperereza.”
Hari amakuru avuga kandi ko Iradukunda Elsa yagiye yiyegereza bamwe mu bakobwa bashinja Prince Kid abasaba kwivuguruza bagashinjura uyu musore uregwa kwaka ruswa y’igitsina bamwe mu bakobwa bitabiriye Miss Rwanda.
Uyu mukobwa wegukanye ikamba rya Miss Rwanda muri 2017, yasabaga abo bakobwa gusinya inyandiko yabaga yanditse zihanaguraho icyaha Prince Kid.
Iradukunda Elsa ufunzwe nyuma y’igihe gito Prince Kid na we atawe muri yombi, hari amakuru yavugwaga ko bombi bafitanye umubano wihariye.
RWANDATRIBUNE.COM
Abandi bahungu barimo kurwanira igihugu naho abangaba barimo kwiyerekana bapfusha ubusa imbaraga zabo.
Ubu bukoroni bwo rwose tuburwanye ntacyo bimariye igihugu