Ishyaka RNC igipande giherereye kuri Charlotte Mukankusi cyatangaje ko kitari mu Ihuriro mpuzamashyaka RBB
Mu itangazo Rwndatribune yaboneye kopi ihuriro RNC ryigaramye ibyatangajwe n’impuzamashyaka RBB(Rwanda bridge builders) ,rikaba rivuga ko kuwa 28 Ugushyingo 2021 ariho RNC yivanye mu mpuzamashyaka RBB aho RNC yashinje RBB ko yuzuyemo ingengabitekerezo ya gi Parmehutu,RNC ivuga kugeza ubu ibarizwa mu Ihuriro rya P4,rigizwe na RNC,FDU INKINGI,AMAHORO CONGRESS.
Kuwa 25 Ukwakira 2023 hasohotse itangazo rivuga ko habaye amavugurura y’abagize Komite nshya ya RNC,ko Umuhuzabikorwa mushya wayo ari Frank Ntwali wungirijwe na Faustin Rukundo,mu gihe itangazo ryasohotse kuri uyu wa 22 nzeri 2024 ryasizeho umukono na Dr.Emmanuel Hakizimana,aha rero abasesenguzi bakaba basanga muri uyu mutwe harimo guhuzagurika ibi kandi bikaba byerekana ko iri shyaka risa n’iri takiriho.
Kuwa 25 Ukwakira 2023 ninabwo hasohotse amakuru yavugaga ko Gen.Kayumba Nyamwasa washinze RNC yirukanywe muri iri shyaka,rikaba ririkuyoborwa na muramu we Ntwari Frank usanzwe ari umw’Avoka mu mujyi wa Cape Town,aha uruhande rumwe rwavugaga ko rushigikiye Nyamwasa rurimo Lt.Mutabazi rukaba rwarahise rubyamagana.
Mwizerwa Ally
Rwandatribune
