Ubuyobozi bw’uruganda rwa Shema Power ruri mu Karere ka Rubavu bwabitse umukozi warwo Harelimana Silas w’imyaka 40 wishwe n’amashanyarazi.
Ni mu gitondo cyo kuwa Gatatu tariki ya 17 Nyakanga 2024, amakuru agera kuri Rwandatribune akaba yemeza ko yapfuye ari mu kaz ko gutunganya ayo mashanyarazi ku muyoboro uyajyana ku ruganda.
Uruganda Shema power, rutunganya amashanyarazi ruyakuye muri gazi rukurura mu kiyaga cya Kivu.
Byabereye ku Mudugudu wa Kabusho, Akagari ka Busoro, mu Murenge wa Nyamyumba.
Uyu mugabo yahise yihutanywa ku Kigo nderabuzima cya Kigufi agezeyo biranga arahagwa.
Nyuma umurambo we wajyanywe mu buhukiro bw’ibitaro bya Gisenyi mu Karere ka Rubavu.
Uyu mugabo asize umugore n’abana bane.
Amakuru avuga ko uyu mugabo yari umwe mu bahanga bakomeye uru ruganda rwari rufite.
Reba ikiganiro
