Nk’uko bijya biba mu mujyi wa Kigali mu mpera z’umwaka, no mu mujyi wa Rubavu haraza kubaho kurasa umwaka nk’ikimenyetso cyo gusezerera umwaka urangiye no gutangira undi mushya.
Ibi ni ibyagaragaye mu itangazo ryasohowe n’ubuyobozi bw’aka Karere rigira riti:
“Ubuyobozi bw’Akarere ka Rubavu buramenyesha abaturage ko mu rwego rwo gusoza umwaka wa 2023 no gutangira undi wa 2024 mu byishimo, uyu munsi saa sita z’ijoro, kuri Lake Kivu Serena Hotel hateguriwe ibirori birimo no kurasa umwaka (fireworks).
Ubuyobozi bwasoje bwifuriza abaturage gusoza umwaka no gutangira umushya mu byishimo n’ituze.
