Uwimana Vedaste usanzwe ari Gitifu w’Umurenge wa Nyakiliba mu Karere ka Rubavu kuri uyu wa 8 Ukwakira 2024 nibwo yandikiye Umuyobozi w’Akarere ka Rubavu Bwana Mulindwa Prosper amusaba guhagarika akazi mu gihe kitazwi.
Muri iyo baruwa Rwandatribune yaboneye kopi iragira iti:”Nshingiye ku biteganywa n’itegeko no 08/2020 ryo ku wa 07/10/2020 rishyiraho Sitati Rusange igenga abakozi ba Leta, mu ngingo ya 74, ahavuga ko guhagarika akazi mu gihe kitazwi ari icyemezo cy’umukozi wa Leta kigaragaza mu nyandiko ubushake bwe bwo guhagarika imirimo yakoraga.
Mbandikiye ngira ngo mbasabe guhagarika akazi mu gihe kitazwi kubera ko nteganya kujya gukomeza amasomo mu gihe cya vuba kandi nkaba ntabasha kubifatanya n’akazi ka buri munsi nsanzwe nkora k’Umunyamabanga Nshingwabikorwa w’Umurenge wa Nyakiliba.
Mu kiganiro yagiranye n’itangazamakuru Bwana Uwimana Vedaste yemeje ayo makuru avuga ko agiye gukomeza amasomo,nyamara hari andi makuru Rwandatribune yabonye avuga ko uyu Muyobozi yari amaze igihe atameranye neza n’abakoreshya be n’ubwo nta ruhande rudafite aho rubogamiye rurabyemeza.
Icyitegetse Florentine
Rwandatribune
