Rutahizamu Zlatan Ibrahimovic ukinira ikipe ya AC Milan nyuma yo kwegukana igikombe cya Shampiyona yagaragaye anywa itabi mu rwego rwo kwishimira iki gikombe.
Ibrahimovic w’imyaka 40 y’amavuko, ni umwe mu bakinnyi bafashije ikipe ya AC Milan gutwara igikombe cya 11 cya Shampiyona y’Ubutaliyani, nyuma yo gutsinda ikipe ya Sassuolo ibitego 3:0.
Zlatan uzwi nk’umukinnyi utaripfana , muri 2020 ubwo yagarukaga muri iyi kipe , yayisezeranije ko azahava ari uko ayihesheje igikombe kimwe mubyo itari iherutse.
Ikipe ya AC Milan yegukanye Shampiyona n’amanota 86 ihigitse ikipe ya Internationale de Milan yari yayokoje igitutu ku manota 84.
Uyu munya-Sweden wakiniye amakipe akomye ku isi arimo:Barcelona, Manchester United, Paris Saint Germain, Internationale De Milan , LA Galaxy n’izindi yagaragaye anywera itabi ryo mu bwoko bwa “Cigar” rigurwa n’uwifite mu kibuga ubwo we na bagenzi be bishimiraga igikombe ku mugoroba wo kuwa 22 Gicurasi 2022.
