Kuri uyu wa 10 Nyakanga 2023, Mboama Victor Rutahizamu ukomoka muri Nigeria, ubica bigacika yamaze gusinyana amasezerano y’imyaka ibiri n’ ikipe ya APR FC.
Uyu Rutarizamu yageze mu Rwanda kuwa 7 Nyakanga 2023, ahita ajyanywa gukorerwa ibizami by’ubuzima mu Bitaro bya Gisirikare i Kanombe.
Nyuma yo gukora ibizamini by’ubuzima, ntabwo yahise asinya amasezerano, kuko ngo hari ibyo atumvikanagaho na APR FC.
Ibyo bikaba byari byatumye, bamwe mu bakunzi ba APR FC bagira ubwoba ko ashobora kudasinyana amasezerano n’ikipe yabo kandi bari zaziko ariwe uzayizamura.
Victor Mbaoma akaba yakiniraga Qizilqum Zarafshon muri Uzbekistan, nyuma yo gutandukana na USM Alger yo muri Algeria.
Uyu rutarizamu w’imyaka 27 yamenyekanye cyane ubwo yakiniraga Enyimba FC y’iwabo muri Nigeria.
Jessica Umutesi
