M23 yaba yaratangiye ibikorwa bya gisilikare byo guhiga Gen.Kanane Dani wa FPP Abajyarugamba umutwe wiyomoye kuri FDLR mu myaka 10 isize.
Amakuru Rwandatribune yamenye n’uko hasize iminsi 8 umutwe wa M23 uri guhiga bukware Gen Dani umukuru wa FPP mu bice bya Binza,Katwigulu na Nyamirima isoko ya Rwandatribune ari ahitwa Nyaruhange yavuze ko abarwanyi benshi b’umutwe wa FPP bamaze kwishyira mu maboko ya M23.
Abatangabuhamya bavuga ko Gen.Kanani Jean Damacsene uzwi ku mazina ya Dani we n’umwungirije Col.Gasiga baba barahungiye mu ishyamba rya Quen Elizabeth riri mu gihugu cya Uganda,Rwandatribune yashatse kumenya icyo ubuyobozi bw’uyu mutwe buvuga kw’iyi mirwano telephone ya Col.Rukokoma uvugira uyu mutwe dusanga ntiri k’umurongo.
Umutwe wa FPP Abajyarugamba washinzwe mu mwaka wa 2013 ugizwe n’abahoze ari abarwanyi ba FDLR,ukaba warashinzwe na Ajida Musuhuke Sangano uzwi ku mazina ya Soki ,mu mezi make agishinga uyu mutwe yahise yicwa n’abarwanyi ba M23,uyu mutwe 45% by’abawugize n’Abakongomani bo mu bwoko bw’Abahutu n’Abakobo.
Mwizerwa Ally
Rwandatribune
