Ku gicamunsi cyo kuri uyu wa Kabiri tariki ya 3 Kanama 2021, abakuru b’imidugudu bose uko ari 483 b’Akarere ka Rutsiro bashyikirijwe telefoni bemerewe n’Umukuru w’Igihugu mu rwego rwo kubafasha kurangiza inshingano zabo neza.
Ku rwego rw’Akarere, iki gikorwa cyabereye ku biro by’umurenge wa Gihango kiyobowe n’Umuyobozi w’Akarere ka Rutsiro Ayinkamiye Emérence.
Meya Ayinkamiye yasabye abakuru b’imidugudu gufata neza izi telefoni zigezweho zikabafasha kurangiza inshingano neza.
Mu kugaragaza akanyamuneza batewe no kwakira iyi mpano y’Umukuru w’Igihugu, abakuru b’imidugudu bakaba biyemeje gukoresha izi telefoni uko bikwiye bagatangira raporo n’amakuru y’akazi ku gihe.
Iki gikorwa cyo gutanga telefone kubakuru b’imidugudu cyabereye mu tugari twose tugize akarere ka Rutsiro , ku rwego rw’akarere kibera mu murenge wa Gihango
Nkundiye Eric Bertrand
