| Benshi mu biyitirira ko bari muri Opozisiyo nyarwanda bakomeje kubarira ku ntoki isenyuka ry’ikiswe Rwanda Bridge Builders cyashinzwe na Kayumba Nyamwasa. Uwitwa Alice Mutimucyeye ,Abinyujije k’Urubuga rwe «les Mutikeys.Com» mu nyandiko iri mu rurimi rw’igifaransa yanditse ,uyu munyarwandakazi akaba abarizwa mu mitwe irwanya ubutegetsi bw’uRwanda, mu nyandiko ifite Umutwe ugira uti” le pont d’Avignon Rwandais” aho yibaza ikibazo kigira giti: Ese Rwanda Bridge Builders imeze nk’ikiraro cy’Avignon ku banyarwanda. Muri iyo nyandiko, Alice Mutinukeye asobanura ko ikiraro cy’Avignon kitiriwe umujyi cyubatsemo w’Avignon ari ikiraro cyiza cyane cyahogoje abahanzi. Iyo urebeye icyo kiraro kure ubona giteye amabengeza ariko iyo ucyegereye neza ubona ntaho gishobora kugeza abakitabaza ,bashaka kwambuka uruzi, kuko icyo kiraro kigera hagati muruzi kigahagarara. muri macye ikiraro cya Avignon akaba nta kandi kamaro gifite uretse ko ari ikiraro cy’umutako w’umujyi w’Avignon gusa! Ahereye kuri urwo rugero rw’icyo kiraro cy’Avignon, Alice Mutikeye agaragaza ko Rwanda bridge Builders nayo imeze nk’ikiraro cy’Avignon kimeze nk’umutako gusa , ikaba idashobora kugira aho igeza abantu bayisunze kuko ubona nta cyerekezo ifite ! Alice Mutikeys avuga ko ku italiki ya 26 Gicurasi 2020 hatangajwe ku mugaragaro ihuriro nyarwanda ryitwa RBB (Rwanda Bridge Builders) rihuje imitwe ya politiki n’imiryango idaharanira inyungu za politiki igera kuri 36, Imwe mu ntego yari yasijwe imbere n’abayishinze ya Rwanda Bridge Builders ngo kwari ugusenya inkuta, zitandukanya amashyaka arwanya ubutegetsi bw’uRwanda akorera mu mahanga no gukemura amakimbirane akunda kubaranga, maze ngo hakubakwa ikiraro gihuza abo banyepolitiki batumvikana hagati yabo kugirango bahurize hamwe imbaraga n’umugambi wo guhungabanya umutekano w’URwanda . Ese iki ni ikiraro cyangwa n’ubwugamo bw’akazuba? Alice Mutikeye akomeza avuga ko mu ikubitiro, igishingwa Rwanda Bridge Builders yahise itangira gucamo ibice abarwanya ubutegetsi bw’uRwanda baba hanze kuko itakiriwe neza na buri wese. Muri abo banyepolitiki bitewe n’uko ihuza amashyirahamwe n’amashyaka ya politiki ayoborwa na bamwe mu banyepolitiki bagize uruhare muri Jenoside y’akorewe abatutsi mu 1994 ,ndetse bamwe muri bo bakaba bashinjwa guhungabanya umutekano n’ uburenganzira bw’ikiremwamuntu binyuze mu gushinga Imitwe yitwaje intwaro ibarizwa mu karere k’ibiyaga bigari cyane cyane mu burasirazuba bwa Repuburika Iharanira Demokarasi ya Congo. Alice Mutimukeye akibaza uburyo amashyirahamwe arengera uburenganzira bwa muntu ashobora gukorana n’abanyepolitiki bashinjwa guhohotera ubwo burenganzira bw’ikiremwamuntu ,no guhungabanya umutekano w’Akarere. Kubw’iyo mpamvu Rwanda Bridge Builders (RBB) irushaho gutera urujijo mu bantu. Alice Mutikey, abona Rwanda Bridge Builders yaratangiye kugenda yisenya ubwayo ,Ibyo bigaragazwa n’uko ku italiki 12/10/2020 rimwe mu mashyaka ayigize ryayisezeyeho, mu itangazo ryashyizwe ahagaragara n’ishyaka Ishema ryagaragaje ko Rwanda Bridge Builders irangwa no gukorera mu bwiru, ubwikanyize n’igitugu kandi ibyo bikaba bihabanye na demokarasi ivuga ko iharanira Dr Theogene Rudasingwa washinze ishyaka Ishakwe yashinje Kayumba Nyamwasa ko ariwe washinze icyo kiraro ngo yibonere imisanzu y’abatagira ubwenge. Hategekimana Claude |
Rwanda Bridge Builders ikiraro cy’umurato kidashobora kwambutsa abagihanze
Leave a comment
Leave a comment
