Ihuriro ry’amashyaka aharanira kurengera ibidukikije muri Afurika FEVA ryashimye Ishyaka riharanira demokarasi no kurengera ibidukikije mu Rwanda DGPR ndetse n’ umuyobozi waryo Dr frank Habineza kubwo kwitabira amatora ya Perezida wa Repubulika mu Rwanda ndetse no ku tsinzi bagize mu nteko ishingamategeko.
Dr. Mohammed Fares wandikiye umuyobozi w’ishyaka rya Green Party mu rwanda ubu butumwa bw’ishimwe yagize ati:” Mbashimiye mwebwe ubwanyi ndetse n’abanyamuryango ba Green Party mu rwanda umwete n’ uruhare mwagaragaje mu matora ndetse n’ ibyayavuyemo.
Na none kandi ndagira ngo mbatere umwete n’imbaraga zo gukomeza guhatana, kuko ndabizi neza ko hakiri byinshi byo gukora kugira ngo mugere ku ntego mwiyemeje. Turizera tudashidikanya ko amatora y’ubutaha nayo azagenda neza kuruta uko byagenze uyu mwaka wa 2024.
Dr.Habineza Frank witabiriye amatora ya Perezida wa Repubulika akaba ataragize amahirwe yo gutsindira uyu mwanya ariko ishyaka ayoboye rikaba ryaratsindiye intebe ebyiri mu nteko ishinga amategeko y’u Rwanda.
Iri shyaka rihawe ubutumwa bw’ ishimiwe nyuma yuko na none abarwanashyaka biri shyaka bashimye Dr. Habineza Frank uburyo yakiriye ibyavuye mu matora ya Perezida wa Repubulika ndetse n’ay’abadepite.
rwandatribune.com
