None ku wa kane tariki 30 Gicurasi 2024, Diane Rwigara yashyikirije Komisiyo y’Igihugu y’amatora kandidatire ye nk’umukandida wigenga mu matora y’Umukuru w’Igihugu ateganyijwe muri Nyakanga uyu mwaka.
Diane Rwigara yabaye umukandida wa karindwi ushyikirije komisiyo y’Igihugu y’amatora kandidatire ye mu munane bifuza guhatanira uyu mwanya.
Ubwo Diane Rwigara yashakaga kwiyamamaza mu 2017 Komisiyo y’amatora ntiyakiriye kandidatire ye nyuma yuko yari isanze mu mikono y’abantu bamuzi harimo n’iy’abapfuye.
Nyuma yo gutanga kandidatire ye, yatangarije itangazamakuru ko atigeze ahura n’imbogamizi mu gushaka imikono nk’uko byamugendekeye ubushize.
Gusa, uyu munyapolitiki, mu byangombwa bisabwa yatanze habuzemo ikigaragaza ko nta bundi bwenegihugu afite ndetse n’icya muganga wemewe na Leta gusa NEC yamuhaye amahirwe yo kubishaka akabitanga mu gihe cya vuba.
Rwandatribune.com
