Ibintu bikomeje kujya iwa Ndabaga mu Ishyaka ritavuga rumwe na Leta y’u Rwanda RNC,aho iri huriro rimaze kugira abanzi benshi kurushya abarisagayemo.
Ku ikubitiro habanje bamwe mu bari abambari ba Kayumba Nyamwasa aribo Gahima Gerard na Dr.Theogene Rudasingwa bavuyeyo rugikubita bashinga irindi shyaka ryiswe New RNC.
Bidatinze RNC yongeye gusenyuka Nsabimana Caillixte Sankara,Andre Kazigaba,Noble Marara na Twihangane Pacifique bashinga RRM,yaje kuba n’umunyamuryango w’ihuriro MRCD ryashinzwe na Paul Rusesabagina.
Mu kiganiro umunyamategeko Kazigaba Andre yagiranye na Radio Inyenyeri arashinja Kayumba Nyamwasa kuba umwicanyi,muri icyo kiganiro aragira ati:ndarira nabuze umpoza ni gute umuntu warashe Kayumba Nyamwasa yamukomerekeje ntamwice koko?cyakora ibi ni akumiro yadusigiye ikibazo muri sosiyeti.
Uyu munyamapolitiki Kazigaba Andre kandi nkuko aguma ibitangaza avuga ko atazasinzira Kayumba ataragezwa imbere y’ubutabera kugirango aryozwe abana babo yashize mu kinyeshyamba cya P5 bakicirwa muri Congo,nyuma n;abafashwe mpiri bagejejwe imbere y’ubutabera barangajwe na Maj.Mudasiru Kayumba akaba yarabihakanye ko RNC itabazi,bityo Kazigaba Andre akaba ari gutegurana ibirego by’intambara bigomba kuryozwa Kayumba na muramu we Frank Ntwari.
Si Kazigaba gusa mu kiganiro aherutse kugirana n’ikinyamakuru TheRwandan,uwahoze ari umuvugizi wa RNC Jean Paul Turayishimiye yavuze ko batazihanganira Kayumba Nyamwasa wafashe RNC akayigira akarima ke kugeza ubwo ayishenye afatanyije na muramu Frank Ntwari.
Ihuriro RNC ryashinzwe na Kayumba Nyamwasa rimaze igihe kinini ririmo amacakubiri kenshi yakuruwe n’ubugome no kwikubira bya Kayumba Nyamwasa kugeza ubwo yarigishije Ben Rutabana wari ushinzwe kongerera imbaraga ihuriro RNC,ubu akaba ntawe uzi irengero rye ndetse n’abagize umuryango we bagerageje kuzamura icyo kibazo harimo mushiki Tabita Gwiza birukanwe muri RNC shishi itabona,byatumye abantu benshi badashyira amakenga iri huriro ndetse benshi bakaba bamaze kurisezeramo.
MWIZERWA Ally
