Nyuma yo Kumvikana na Rayon Sport kuzayikinira imyaka ibiri ariko Rayon Sport ntiyamuha ibyo bumvikanye. Kuri ubu Sugira Erneste ari mu biganiro n’ikipe y’igikomerezwa muri Morocco ya Diffa El Jadida.
Sugira Erneste aganira na Time Sports yatangaje ko yatangiye ibiganiro n’iyi kipe y’ubukombe muri Morocco ndetse ko ibiganiro bigeze kure n’iyi kipe ya Diffa el Jadida, ndetse isaha n’isaha ashobora kuyerekeza mo.
Yagize ati “Naganiriye na Rayon Sport ariko ibiganiro bisa nk’ibiri kugenda gahoro, ubu ndi kuganira n’ikipe ikomeye yo muri Morocco”
Amakuru agera kuri rwandatribune.com ni uko Sugira Erneste yamaze kuboherereza Video y’incamake kuri we(Highlight) hakaba hategerejwe umwanzuro uza gufatwa n’ubuyobozi bw’ikipe ya Diffa El Jadida.
Sugira Erneste yari amaze amezi 6 muri Rayon Sport nyuma y’uko APR FC yari itamukeneye ihitamo kumutiza mukeba wayo. Nyuma yuko amezi 6 APR FC yamutije Rayon Sport arangiye, uyu Rutahizamu yabwiwe n’iyi kipe y’ingabo z’igihugu ko itakimukeneye ahitamo kuganira na Rayon Sport nubwo ibiganiro kuri ubu bitari kugenda neza.
Sugira Erneste yakiniye AS Muhanga muri 2012 kugeza 2013 aho yaje no kuyitsindira bitego 16 nyuma aza kubengukwa n’ikipe ya APR FC yaje gukinira 2013 kugeza 2014, aho yanaje kuyitsindira ibitego 2, nyuma aza kwerekeza muri AS Kigali yakiniye muri 2014 kugeza 2016 akaza no kwigaragagaza bigatuma Ahamagarwa mu mikino nyafurika yanatumye Abengukwa n’ibikomerezwa birimo na AS Vita Club yaje no kumwegukana nubwo atahiriwe bituma agaruka muri APR FC nayo nyuma yaje kumutiza Rayon Sport.
Diffa Hassani EL Jadidi uyu musore ashobora kwerekeza mo ni ikipe ikomeye muri Morocco cyane ko iherutse kugera mu matsinda ya CAF Champions League 2018 ndetse yanatwaye igikombe cy’igihugu muri Morocco Inshuro 1 muri 2013, Akaba ari nacyo gikombe cyonyine iyi kipe ifite.
Ndacyayisenga Jerome
