Polisi yo mu gihugu cya Tanzania yatatanyije abarwanashyaka ba CHADEMA bari bateraniye imbere y’urukiko rwa Kisutu i Dar es Salaam, ahari hateganyijwe kubera urubanza rw’umukuru w’iri shyaka Freeman Mbowe.
Uru rubanza rwari rwitezwe kuburanishwa hifashishijwe ubuhinga bwa videwo vyabaye ngombwa ko rwunguruzwa kubera ibibazo vy’ubuhinga.
Biteganyijwe ko Mbowe agezwa imbere y’urukiko ejo kuwa Gatanu mu gatondo kugira ngo aburanishwe.
Abarwanashyaka ba Chadema bari bateraniye hanze y’urukiko bafite n’ibyapa byanditseho ngo ‘Mbowe si intagondwa’, ndetse banasakuza mu ijwi rirenga bavuga bati ‘Itegekonshinga riha uburenganzira bwo kuvuga icyo dushaka ariko si ukugumura abandi’.
Hagati aho, polisi yashwiragije abo barwanashyaka ba Chadema, abatari bacye n’abo barafatwa barafungwa.
Abunganizi ba Mbowe bayobowe na Peter Kibatala, bari mu rukiko n’ubwo umukiriya wabo yari agifungiye mu kasho ya Ukonga.
Mbowe ashinzwa kubongamira ubukungu bw’igihugu n’ibikorwa byo kwangisha Leta abaturage.
Abatavuga rumwe na Leta, harimo n’ishyaka CHADEMA hamwe n’amashyirahamwe aharanira uburenganzira bw’ikiremwa muntu babona ko uru rubanza ari urwa politike, bagasaba leta kurekura uyu munyaporiti vuba na bwangu.
Ariko Polisi ikaba ihakana ibi bivugwa, ikavuga ko ifite ibimenyetso bikwiye byerekana ko Mbowe yakoze ibyo byaha ashinjwa, igasaba ko bareka ubutabera bugakora akazi kabwo.
Mu itangazo yaraye isohoye bucya haba uru rubanza rwa Mbowe, umuyobozi mukuru wa Amnesty International mu bihugu byo muri Afurika y’Amajyepfo n’Iburasirazuba Afrika, Deprose Muchena, yavuze ko kumufunga muri iki gihe bituma abantu bibaza ko ari amayeri yo gucecekesha abarwanya leta.
Mbowe yafatanywe n’abandi barwanashya b’ishyaka 11 mu gace ka Mwanza muri Nyakanga, uyu mwaka, mu gihe yari yiteguye kugirana ikiganiro n’Itangazamakuru ku bijyanye no guhindura itegekonshinga.
Aba 11 bafatanywe nawe bagafungirwa i Mwanza bahise barekurwa.
Muyobozi Jerome
