Perezida wa Tanzania, Samia Suluhu Hassan yatanze imbabazi ku mfungwa 5001 zari zifungiye hirya no hino muri iki gihugu kubera ibyaha bitandukanye zahamijwe, zimwe zemererwa kurekurwa izindi zigabanyirizwa ibihano.
Muri izi mfungwa 5001 zahawe imbabazi na Perezida Samia abagera kuri 1516 barekuwe mu gihe abandi 3485 bagabanyirijwe igihe bari kuzafungwa.
Mu itangazo ryashyizwe hanze ,Perezida Samia Suluhu yasabye abafunguwe kwifatanya n’abandi mu rugendo rwo kubaka igihugu kandi bagakomeza kubahiriza amategeko agenga Tanzania.
Perezida Samia Suluhu yatanze imbabazi kuri izi mfungwa mu gihe hizihizwa isabukuru y’imyaka 57 ishize icyari Tanganyika cyihuje na Zanzibar bikabyara Tanzania.
