Emmaus Mwamakula, umusenyeri mu itorero ry’aba Morovian yatawe muri yombi ashinjwa gushishikariza abaturage kwigaragambya.
Mwamakula aherutse gusaba abaturage kujya mu mihanda basaba ko hashyirwaho Komisiyo y’amatora yigenga kandi hagakorwa irindi Tegeko Nshinga.
BBC yatangaje ko uwo mugabo yateganyaga kuyobora imyigaragambyo yari kuzamara iminsi umunani mu murwa mukuru Dar es Salaam.
Polisi yataye muri yombi uwo mushumba mbere y’amasaha make ngo atangire imyigaragambyo. Polisi yatangaje ko ibyo yari agiye gukora bitemewe kuko gukora imyigaragambyo bisabirwa uruhushya.
Musenyeri Emmaus Mwamakula ni umwe mu bakunze kumvikana banenga cyane ubutegetsi bwa Perezida John Pombe Magufuli. Mu matora ya Perezida yabaye umwaka ushize yari ashyigikiye ishyaka ritavuga rumwe na Leta rya ACT Wazalendo.
