Ujya gutera uburezi arabwibanza ,Ibiro bya Perezida wa Tanzania, bimaze gutangaza ko Samia Suluhu uyobora iki gihugu ari mu bazaherwaho bahabwa inkingo za COVID-19, ubwo zizaba zitangiye gutangwa.
Iki gikorwa giteganyijwe ku wa 28 Nyakanga 2021ko Perezida Samia Suluhu azakingirwa akaba afashe iyambere mu kwiteza urukingo rwa Covid19,mu gihe uwo yasimbuye John Pombe Magufuri yari yariyabyamaganiye kure.
Tanzania igiye gutangira gukingira abaturage bayo nyuma y’uko ku wa 24 Nyakanga yakiriye inkingo za mbere yahawe na Leta Zunze Ubumwe za Amerika binyuze muri COVAX.
Kwemera gukingirwa COVID-19 kwa Samia Suluhu ni indi ntambwe ateye mu kugaragaza ubushake afite mu kurwanya iki cyorezo cyane ko ku butegetsi bw’uwo yasimbuye, John Pombe Magufuli, Tanzania yagiye inengwa kugenda biguru ntege mu guhashya COVID-19.
Kuva Samia Suluhu yajya ku butegetsi yashyize imbaraga mu kurwanya iki cyorezo, abaturage batangira gusabwa kwambara udupfukamunwa ndetse amakuru y’uko COVID-19 ihagaze mu gihugu yongera gutangazwa.
