Mu gihe hiryano hino Leta z;ibihugu zihanganye no gutumiza inking z’icyoreo Covid-19, Guverinoma ya Tanzania yatangaje ko nta gahunda yo gutumiza urikingo na rumwe ifite, aho bavuga ko bazakomez ubushakashatsi ku byatsi gakondo bimera muri ki gihugu.
Mu kiganiro n’ikinyamakuru The East African, Gerald Chami, umuvugizi wa minisiteri y’ubuzima, yakomeje avuga ko afite amakenga niba inkingo zitumizwa mu mahanga nta bibazo ziteza ku buzima kandi niba ari ingirakamaro.
Yavuze ko zakozwe mu buryo bwihuse cyane kuburyo zitaba zarageragejwe neza.
Igerageza ry’inkingo za Covid-19 ryubahiriza ibisabwa bikomeye byo ku rwego mpuzamahanga.
Imyitwarire ya Tanzania kuri Covid-19 itandukanye cyane n’iy’ibindi bihugu bituranye nayo, mu gihe cya vuba gishize byongeye kugira ubwiyongere bw’ubwandu bushya.
Mu mpera z’ukwezi kwa kane, Tanzania yahagaritse gutangaza imibare mishya
ijyanye na Covid-19, ndetse mu kwezi kwa gatandatu Perezida John Pombe Magufuli avuga ko iyo virusi itakirangwa mu gihugu.
