Perezida Felix Tshisekedi yahuye na Papa Francis yambaye isaha ifite agaciro k’ibihumbi bikabakaba 700 USD (miliyoni 700Frw) mu gihe uyu mushumba wa Kiliziya yari yambaye isaha y’umukoba ifite agaciro k’ibihumbi 10 USD (miliyoni 10 Frw).
Ni isaha aba bombi bari bambaye ubwo Papa Francis yari akimara kugera muri Repubulika Iharanira Demokarasi ya congo, ku wa Kabiri tariki 31 Mutarama 2023.
Isaha ya Tshisekedi, ni imwe mu masaha agezweho ikozwe muri zahabu yo mu bwoko rwa Rolex, aho ifite agaciro ka 680.000$ ndetse n’agakomo gafite agaciro ka 10.000$.
Naho Papa Francis we yari yiyambariye isaha y’umukoba asanzwe yambara ifite agaciro ka 10.000$. Ni ukuvuga ko inganya agaciro n’agakomo kari kambawe na Tshisekedi.
Ibi byatumye bamwe mu bakunze gutunga agatoki Tshisekedi gusesagura, bongera kubivugaho, bavuga ko yigwizaho imitungo y’Igihugu akayinezezamo agura ibikoresho nk’ibi bihenze.
RWANDATRIBUNE.COM
