FDLR yongeye gutangaza ko ikibazo cy’impunzi ziri k’ubutaka bwa Congo kitazakemuka FDLR itaraganira na Leta y’uRwanda
Mu kiganiro Umuvugizi wa FDLR ishami rya gisilikare FOCA Col.Turatsinze Donatien Sacramento yagiranye na Radio VOA dukesha iyi nkuru,yabwiye iyi Radio ko FDLR yunvise neza amasezerano uRwanda,HCR na Leta ya Congo Kinshasa agamije gucyura impunzi z’abanyarwanda bari mu gihugu cya Congo ndetse n’abakongomani bacumbikiwe na Leta y’uRwanda.
Kubwa FDLR uyu Muvugizi yagaragaje ko hari icyateye ubuhunzi aricyo izi ntumwa z’ibihugu byombi ndetse na HCR aricyo bagombaga kubanza basuzuma mbere y’uko bapfundika aiya masezerano.
Col.Sacramento Umuvugizi wa FOCA avuga ko kuba ariya masezerano yabereye iGeneve mu Busuwisi ntacyo azageraho mu gihe Umutwe wa FDLR utaratumiwe kandi ariwo ubitse izo mpunzi .
Uyu Muvugizi asoza yateye mu ijwi riranguruye asaba ko HCR na Leta ya Congo bakwiye gusaba leta y’uRwanda kugirana amasezerano n’uyu mutwe kugirango ikibazo cy’impunzi gikemuke,aha Col.Sacramento yagaragaje impungenge z’uko hari abatahuka bagezwa imbere y’ubutabera kubera ibyaha bya Jenoside aha rero hakaba hari benshi batinye gutaha kubera icyo kibazo.
Amakuru Rwandatribune yamenye nuko uyu Col.Turatsinze Donatien Sacramento amazina ye y’ukuri ari ,Munyabaranga Deo, waavukiye mu cyahoze ari Komini Gikoro Perefegitura y’umujyi wa Kigali,aho ndetse yayibereye Assisita Burugumestre mu gihe cya Jenoside uyu Munyabaranga Deo yicishije abatutsi benshi mu cyahoze ari Komini Gikoro yayoboraga ndetse akaba yarakatiwe n’inkiko Gacaca igifungo cy’imyaka 30,bityo kubwa Munyabaranga afite inyungu zo gukomeza kwitwikira ikibazo cy’impunzi kugirango atazaryozwa ibyaha bya Jenoside yakoze.
Mwizerwa Ally
