Urukiko rwo muri Turkey kuri uyu wa kane rwakatiye igihano cyo gupfa abasirikare abapolisi n’abasivile barenga 300 bari bamaze imyaka itatu baburanishwa ku ruhare bagize muri Coup d’etat yaburijwemwo, yari igamije guhirika leta ya Perezida Recep Tayyip Erdogan mu Nyakanga 2016.
Mu bantu 475 baburanishijwe mu mwaka w’2017 baregwa icyo cyaha 300 muribo cyarabahamye bakatirwa urwo gupfa.Igerageza rya Coup d’Etat yo muri 2016 muri Turkey rwaguyemo abagera kuri 250 mugihe abasaga 2000 bakomerekeye muri iyi ntambara. Mu bandi bagizweho ingaruka zo kugerageza guhirika ubutegetsi barimo abakozi 130,000 bari inyuma y’uwo mugambi bose birukanwe mu mirimo.
Mubishwe uyu munsi harimo abajenerali hamwe n’abapilote b’indege bashinjwa gutanga amategeko muri iyo coup d’etat no gutera ibisasu bya rutura n’amabombe ku nyubako za guverinoma ya Turkey no ku nyubako y’inteko ishinga amategeko.
Ikindi aba bakatiwe bararegwa gukorana n’umunyedini uri muri Leta zunze ubumwe z’Amerika, Fethullah Gulen, uyu akaba ashinjwa kuba kw’isonga ry’abateguye uwo mugambi wo gukuraho ubutegetsi bwa Turukiya muri uyu mwaka nubwo we yabiteye utwatsi. Leta ya Turkey ikomeje gusaba ko Gulen yakoherezwa muri Turkey nawe ngo aryozwe umugambi n’uruhare yagize muri uwo mugambi.
Alicia Khabibi
