U Rwanda na Pologne bashimangiye umubano, aho Lt Gen Jean-Jacques Mupenzi uyobora ingabo z’u Rwanda zirwanira mu Kirere ari muri Pologne
Ubwo yari kumwe na mugenzi we, baganiriye ku mahirwe y’ubufatanye mu by’Ingabo zirwanira mu kirere hagati ya Polonye n’u Rwanda, harimo kandi kubaka ubushobozi no gusangira ubunararibonye.
Muri urwo ruzinduko Lt Gen Mupenzi yari kumwe n’itsinda ayoboye bari baherekejwe na Amb. Shyaka Anastase, uhagarariye u Rwanda muri icyo gihugu.
Baganiriye ku mahirwe y’ubufatanye mu by’Ingabo zirwanira mu kirere hagati ya Polonye n’u Rwanda, harimo kandi kubaka ubushobozi no gusangira ubunararibonye.
U Rwanda na Polonye bisanzwe bifitanye umubano mu bijyanye n’umutekano, binyuze mu masezerano yashyizweho umukono tariki 05 Ukuboza 2022.
Aya masezerano yasinywe n’uwahoze ari Minisitiri w’Ingabo, Maj Gen Albert Murasira na Minisitiri w’Ububanyi n’Amahanga wungirije wa Polonye, Pawel Jabłoński wari mu ruzinduko mu Rwanda.
