Umunyapolitiki utavuga rumwe n’ubutegetsi bwa Museveni, Col Kiiza Besigye yatawe muri yombi ari mu mihanda yo mu mujyi wa Kampala aho yari yateguye imyigaragambyo yamagana izamuka ry’ibiciro.
Ikinyamakuru Chimpreport cyanditse ko uyu mugabo yafashwe na Polisi ku bufatanye n’ishami rya UPDF rishinzwe imyitwarire.
Besigye ngo yafashwe atangiye kuganiriza abantu bari hafi y’umuhanda ujya Namirembe akaba ari ibikorwa bivugwa ko yakoraga yifashishije indangururamajwi yari mu modoka ye yo mu bwoko bwa Toyota Land Cruiser.
Muri iyi myigaragambyo, Besigye yagaragaye afite amakarita atukura menshi, aho avuga ko asobanye kunenga izamuka rikabije ry’ibiciro avuga ko ryatewe n’imitegekere mibi y’ishyaka NRM rya Perezida Museveni.
Ni ku nshuro ya Gatatu, Besigye afunzwe akekwaho gutegura imyigaragambyo yamagana izamuka ry’ibiciro ku masoko kuva mu kwezi kwa Gicurasi uyu mwak
