Nyuma yo kwakira ubujurire bw’ababurana na Bosco Ntaganda, Urukiko Mpuzamahanga rw’i La Haye mu Busuwisi, rwafashe icyemezo ko urubanza rw’uyu mugabo rusubirwamo byumwihariko ku bijyanye n’indishyi yaciwe.
Ishami rya ICC ry’Ubujurire, ryasomye icyemezo ku bujurire bwatanzwe n’umwe mu bahagarariye uruhande ruhanganye na Bosco Ntaganda.
Iki cyemezo cyasomwe kuri uyu wa Mbere tariki 12 z’ukwa Cyenda 2022, rwemeza ko urubanza rwe rusubirwamo hakongera gusuzumwa ibijyanye n’indishyi ya Miliyoni 30 z’amadolari ya America yaciwe uregwa.
Inteko y’uru rukiko yari igizwe na Marc Perrin de Brichambaut, Presiding, Piotr Hofmański, Luz del Carmen Ibáñez Carranza, Solomy Balungi Bossa na Gocha Lordkipanidze.
Icyemezo cyasomwe tariki 08 Werurwe 2021, Urukiko Mpuzamahanga Mpanabyaha ICC rwemeje ko Ntaganda acibwa Miliyoni 30 USD ariko ko azava mu isanduku y’Urukiko.
Inteko y’ubujurire yemeje ko mu cyemezo cya mbere kirimo amakosa akomeye arimo kuba hataragaragajwe umubare wa nyawo w’abagizweho ingaruka n’ibikorwa by’uregwa, kuba hatarabazwe neza umubare w’indishyi y’ama mafaranga ndetse zigacibwa hatitawe ku buremere bw’ingaruka z’ibyakozwe na Gen Bosco Ntaganda.
Icyemezo cy’iyi nteko y’Ubujurire, gisaba Urukiko gusubiramo urubanza ku bijyanye n’indishyi kugira ngo hagenwe indishyi ikwiye.
RWANDATRIBUNE.COM
