Inzobere mu bijyanye n’ubuzima yo muri Australia yatangaje ko coronavirus ishobora guhererekanwa binyuze mu musuzi, aho umuntu uyirwanye aramutse asuriye utayirwaye bishobora kumwanduza Covid-19.
Dr Andy Tagg ukomoka muri Australia avuga ko kuba coronavirus ishobora kwandurira mu misuzi abishingira ku bipimo yafashe ku barwayi kuva mu ntangiriro za 2020.
Uyu mudogiteri avuga ko ibyago byo kwandura covid-19 inyuze mu musuzi ari bike cyane, ubusanzwe iyi virusi ikwirakwira inyuze mu matembabuzi asohoka mu kanwa iyo umuntu akoroye,avuze cyangwa yitsamuye.
Dr.Andy akomeza avuga ko yasanze coronavirus iri mu mabuno y’abarwayi ku kigero cya 55%. Ati “Sar cov2, (virusi itera covid-19) ishobora gukwirakwira binyuze mu misuzi, ishobora gupimirwa mu kivuno ikaboneka guhera ku munsi wa 17).
Avuga ko yasanze umusuzi ushobora kugeza kuntera ndende ‘talcum powder’ ati “Kandi birashoboka ko covid-19 ishobora gukwirakwira inyuze power yo mu musuzi – dukeneye gihamya”.
Dr Tagg ati “Ku bw’ibyo mwibuke kwambara uko bikwiye ku mabuno ibihe byose kugira dukomeze kwirinda”.
Muganga Dr Sarah Jarvis, yabwiye The Sun, ko ibyago byo kwandurira coronavirus mu mwuka ari bike cyane, ngo igishobora gukwirakwiza iyi virusi byihuze ni udutonyanga tuva mu kanwa igihe tuguye ku ntoki z’umuntu akikora mu maso.
Gusa Dr Sarah avuga ko hari raporo zigaragaza ko coronavirus iboneka mu musarane, cyane igihe umurwayi yatangiye gucibwamo ati “Abantu bakwiye kwitwararika isuku y’umusarane w’umurwayi wa coronavirus”.
Muri 2001 Dr Karl Kruszelnicki na Luke Tennent bakoze ubushakashatsi ku buryo coronavirus ishobora kwandurira mu musuzi, bafata umurwayi umwe yambara ikariso, undi ntiyayambara, bashyira igipimo kuri santimetero 5 uvuye mu mabuno yabo. Basanze umusuzi wavuye ku murwayi utari wambaye ikariso warohereje ku gipimo bacterie nkeya zidashobora kwanduza umuntu, mu gihe ku murwayi wari wambaye ikariso nta bacterie basanze zagiye ku gipimo.
Mu ntangiriro z’uyu mwaka, ikigo gishinzwe indwara z’ibyorezo mu Bushinwa cyatangaje ko ikariso ari uburyo bwo kwirinda ikwirakwira rya coronavirus, gusa kinaburira abantu kwitwararika gukora ku makariso y’abarwaye coronavirus kuko ishobora kuhandurira.
Iki kigo kivuga ko igihe umurwayi yakohereza umusuzi ufite imbaraga, hafi ye hari umuntu akinjiza uwo mwuka yaba afite ibyago byo kwandura coronavirus.
Mu ntangiriro z’uku kwezi kwa 5, abahanga bagiriye inama abafite toilette bicaraho ko mbere yo gukanda kuri buto irekura amazi bakwiye kubanza gupfundikira gukira ngo birinde kuba bakwandura coronavirus igihe iyo toilette yaba yakoreshejwe n’umurwayi wa covid-19.
Abakoze ubu bushakashatsi kuri toilette basubiramo ko uburyo bwizewe bwo kwirinda covid-19 ari ugukaraba intoki kenshi n’amazi meza n’isabune nibura amasagonda 20.
