Ubushakashatsi bwagaragaje ko Urumogi rufite ubushobozi bwo kuvura Covid-19 kurusha indi miti yose irimo kwifashishwa

Ubushakashatsi  bwakozwe n’impuguke z’Abanyakanada bwagaragaje ko igihingwa cy’urumogi cyifitemo ibinyabutabire byakwifashishwa mu kuvura abanduye Covid-19 mu buryo bwihuse ugereranije n’imiti isanzwe ikoreshwa nka hydroxychloroquine.

Mu rugamba rwo kurwanya Covid-19 hariho uburyo bwinshi n’ibyifuzo byinshi .Mu gushaka kumenya uko iyi ndwara  yavurwa bamwe bashingira ku miti ya basekuruza biturutse ku byo bizera mu gihe abandi barimo nka Prof. Raoult na Donald Trump bemeje ko iyi ndwara ishobora kuvurwa na hydroxychloroquine

Hari n’abizera ko kunywa itabi birinda ibihaha byabo igitero cya coronavirus .Itsinda ry’abahanga bo muri Kanada ryerekanye ubwoko 13 bw’urumogi rwakoreshwa mu kurwanya Covid-19.Nkuko ibyiza  bya CBD bimaze kumenyekana mu bihugu bimwe na bimwe ko ifasha mu kugabanya ububabare ku barwaye indwara zidakira .Aba bahanga bo muri Kanada ndetse bavuga ko urumogi rufite akamaro kuruta hydroxychloroquine  mu kuba yahangana n’ibyuririzi bya Covid-19.

Neozone.org ivuga ko Kugira ngo babigereho, aba banyakanada bapimye amoko arenga 800 y’urumogi Canabdiaol Dosage (CBD) kuri enzymes za ACE2, abamaze  kwandura no kwangirika ibihaha biturutse kuri Covid-19. Mu bwoko 800 bwizwe, 13 bwashobora guhindura imiterere ya gene ya ACE2 bityo bikadindiza iterambere rya SARS-CoV2 mu mubiri.

Aba bahanga basoza ubushakashatsi  bwabo bavuga ko atari byiza ko abantu bihutira kunywa urumogi ngo bagire ubudahangarwa kuri Covid-19, cyane ko ngo ubwoko bw’urumogi bapimye atari urusanzwe ruhingirwa kunyobwa ko ahubwo ari urungirwa gukoreshwa mu buvuzi,

Src:Neozone.org

Ildephonse Dusabe