Ni ubwa mbere kuva tariki 14 ukwezi kwa mbere umunsi haba amatora muri iki gihugu cya Uganda, Bobi Wine asohoka mu rugo rwe akavugana n’abanyamakuru nk’uko bitangazwa n’ikinyamakuru cyo muri icyo gihugu Daily Monitor.
Robert Kyagulanyi w’imyaka 38, azwi cyane ku izina ry’ubuhanzi nka Bobi Wine, niwe wari akomeye cyane mu bantu 11 bahatanye na prezida Yoweri Museveni w’imyaka 76. Museveni umaze imyaka 35 ariwe uyobora Uganda.
Kuva ku munsi w’amatora urugo rwa Bobi Wine rwahise rugotwa n’absirikare ndetse n’Abapolisi ku buryo nta muntu n’umwe wari wemerewe gusohoka cyangwa ngo yinjire.
Ikinyamakuru Daily Monitor cyo muri Uganda, mu nyandiko yacyo yaciye kuri twitter kivuga ko ku nshuro ya mbere kuva tariki 14 z’ukwezi kwa mbere, Bobi Wine yavuganye n’abanyamakuru.
Ku wa mbere urukiko rukuru rwa Kampala rwari rwategetse ko abasirikare n’abaporisi bava ku rugo rwa Robert Kyagulanyi. Ariko, nk’uko abanyamakuru babibonye, iyo ngingo ntiyashotse yubahirizwa.
Ayo matora yatsinzwe na perezida Yoweri Museveni ku majwi 58.64%. Bobi Wine yaje ku mwanya wa kabiri ku majwi 34.83% ariko ntiyemera ibyavuye mu matora.
