Inama nkuru y’amadini n’amatorero akorera muri Uganda(UJCC) yasabye Guverinoma kwimura amatora ateganijwe muri Mutarama 2021, aho bavuga ko abenshi mu banyapolitiki barimo kwiyamamaza badakurikiza amabwiriza yo kurwanya Covid-19 bigaha icyuho ubwiyongere bukabije.
Umuyobozi mukuru w;inama y’abahayimana ,akaba na Arikipisikopi wa Kampala Cyprian Kizito Lwanga mu kiganiro yahaye itangazamakuru yatangaje ko , nk’abihaye Imana batewe impungenge n’ubwiyongerere bukabije bw’icyorezo Covid-19, ahanini gituruka mu kutubahiriza amabwiriza yashyizweho na Minisiteri y’Ubuzima mu bikorwa byabo byo kwiyamamaza.
Kizito akomeza avuga ko nk’uko itegekonshinga rya Uganda ribiteganya,Perezia Museveni yakomeza kuyobora igisa n’inzibacyuho y’imyaka itatu, kugeza ubwo hazategurwa amatora mu mwaka 2024 bamaze kubona uko icyorezo gihagaze.
Yagize ati:” Ingingo ya 259 y’itegeko nshinga rya Uganda ivuga ko igihe habaye impamvu ituma amatora asubikwa , perezida uriho akomeza inshingano zo kuyobora no guha igihugu umurongo mu gihe hategerejwe andi matora”
Muri Uganda abamaze kwandura Covid-19 27,532 ni mu gihe abamaze guhitanwa nayo bagera kuri 200. Minisiteri y’Ubuzima muri iki gihugu ivuga ko kuwa ibikorwa bifitanye isano n’amatora byatangira kuwa 21 Nyakanga 2020 , igereranya rigaragaza ko nibura hapfa abantu bakabakaba 50 buri kwezi bazize Covid-19.
