Mu gace kitwa Kyakoonda mu karere ka Kyotera muri Uganda haravugwa inkuru y’umugabo witwa Ronald Mayanja wakaswe igitsina azira kwiba imiteja mu murima w’umukoresha we witwa Joseph Katamba.
Ikinyamakuru Chimp Report dukesha iyi nkuru, cyatangaje ko Katamba wari wariye karungu yakase igitsina cya Mayanja amufashijwe n’abandi bapagasi be.
Kubw’amahirwe ariko ubuyobozi bw’aka gace bwahuruje Polisi atarashiramo umwuka, gusa yari yavuye amaraso menshi cyane.
Magingo aya Mayanja arimo kwitabwaho n’abaganga ndetse iperereza kuri iki cyaha yakorewe rirakomeje nk’uko umuyobozi wa Polisi yo muri aka kace ka Kyotera Hiwumbire Hassan yabitangaje.
