Umukandida w’Ishyaka riri ku butegetsi NRM uherutse gushimagizwa na Bobi Wine avuga ko amushyigikiye yasabiwe guhagarikwa kuri uwo mwanya bikekwako afatanya na NUP mu buryo bw’ibanga.
Minisitiri wungirije muri Minisiteri yo guhuza inzego za Leta n’abikorera Evelyn Anite yasabye Perezida Museveni gukura Charles Ayume ku mwanya w’umukandida uhagarariye National Resitance Movement karere ka Koboko mu nteko ishingamategeko, nyuma yaho Robert Kyagulanyi Atangarije ko amushigikiye nk’umuntu w’inyangamugayo.
Ubwo yari mu bikorwa byo kwiyamamaza mu gace ka Koboko, Robert Kyagulanyi uzwi nka Bobi wine ,yagize ati” Ndabizi Ayume nta byiza yamvugaho,gusa aho ari hose mumubwire ko mushyigikiye”
Aya magambo ntiyakiriwe neza n’abo mu Ishyaka NRM byanatumye batangira gukeka Ayume amababa ko yaba akorana na Bobi Wine mu buryo bwibanga.
Mu magambo ye bwite Minsisitiri Anite yagize ati”Ibi nabisobanuriye Muzehe(Museveni) ko Charles Ayume wo muri Kiboko ari mu gatebo kamwe na Bobi Wine.Dukwiriye guhindura uburyo bw’imikorere mu gace ka Kiboko.
