Urukiko rwa Kabale rwahaye Vianny Armstrong Ahimbisibwe igihano cyo gufungwa imyaka 40 nyuma yo guhamwa n’ibyaha birimo kwica umugore we n’abana be batatu abatwikiye mu nzu.
Uyu mugabo w’imyaka 45 ’ayamavuko ,yishe umugore we Rovina Muheki n’abana be batatu aribo Edwn Tumworobere w’inyaka 17 y’amavuko ,Westlife Akampumuriza w’imyaka 15 na Maria Akina Ekinamushabire abatitwkiye mu nzu .
Ni amahano yabaye mu mwaka kuwa 16 Nyakanga 2021 ku isaha ya sayine z’ijoro (22h00) mu cyaro Habutobere mu gace ka Muko akarere ka Rubanda.
Nyuma yo gukora aya mahano, Vianny Armostrong Ahimbisibwe yahise ahunga muri iryo joro, ariko nyuma y’umnsi umwe gusa aza gutabwa muri yombi n’inzego zishinzwe umutekano, ubwo yarimo agerageza kwambuka ava mu karere ka Rubanda yakoreyemo ayo mahano.
Umushinjacyaha, yabwiye urukiko ko Vianny Ahimbisibwe yabanje kugerageza kwifashisha umuhoro ashaka gutema umugorewe n’abana be ,ariko Abaturanyi bagatabara bwangu nyuma yo kuwumwaka hakoreshejwe imbaraga.
Gusa, ngo ntabwo Vianny yanyuzwe kuko yahengereye mu ijoro baryamye, maze afata Peterori inzu arayishumika umugore n’abana be bari baryamye bahasiga ubuzima harokoka umwana we umwe witwa Mathias.
Vianny Armstrong Ahimbisibwe, yahamwe n’ibyaha byose aregwa ndetse ko yabikoze abigambiriye ahita ahabwa igihano cyo gufungw imyaka 40 muri Gereza ya Ndorwa.
