Abashinzwe umutekano bo mu gihugu cya Uganda, bataye muri yombi Bobi Wine usanzwe atavuga rumwe n’ubutegetsi bwa Perezida Museveni, ubwo yari ageze ku Kibuga cy’indege cya Entebbe avuye muri Afurika y’Epfo.
Uhagarariye ishyaka rya Bobi Wine mu Nteko Ishinga Amategeko, Mathias Mpuuga, yavuze ko uyu mugabo yafatiwe ku Kibuga cy’Indege avuye muri Afurika y’Epfo aho yari amaze iminsi.
Mpuuga yavuze ko inzego z’umutekano zitigeze zemerera Bobi Wine ko agera n’ahakorera abinjira n’abasohoka.
Bobi Wine yatawe muri yombi, mu gihe, abashyigikiye ishyaka rye bateguye urugendo rwo kumwakira akigera mu gihugu, ariko ntibyakunda. Impamvu z’itabwa muri yombi rya Bobi Wine ntiziratangazwa.
Uwineza Adeline
