Umukuru w’igihugu cya Uganda kaguta yoweri museveni yakoze impinduka muri guverinoma ye.
Aya makuru akaba yashimangiwe n’itangazo ryashizwe ahagarara ku mugoroba wo kuwa 14 Ukuboza 2019 n’ibiro by’umukuru w’igihugu cya Uganda Perezida Kaguta Museveni.
Muri iyi guverinoma nshya hakaba hagaragaramo amasura mashya:
Bamwe mu bayobozi bashya bahawe imirimo n’umukuru w ‘igihugu cya Uganda ni aba bakurikira:
JACKSON Kafuzi: yari asanzwe ari umwe mu bagize inteko ishinga amategeko, aho yarahagarariye Kyaka y’Amajyepfo mu Karere ka Kyegegwa ndetse akaba Ari n’Umunyamategeko.
Kuri ubu, yagizwe Minisitiri ufite mu nshingano ze amazi n’ibidukikije akaba n’uwungirije umugenza cyaha mukuru .
JUDI Nabakooba; uyu wigeze kuba Umuvugizi wa polisi ku rwego rw’Intara mbere y’uko atorerwa kuba uhagarariye abagore mu Karere ka Mityana mu mwaka wa 2016.
Kuri ubu akaba yagizwe Minisitiri ushinzwe itumanaho n’ikoranabuhanga.
HAMSON Obwo Denis, yagizwe Minisitiri wa siporo akaba yasimbuye kuri uyu mwanya Charles Bakkabulindi, akaba yarakunze kugarara mu bikorwa byo gushigikira siporo cyane aho yari umufana ukomeye w’ikipe y’amaguru ya Uganda ndetse akaba ari na Kapiteni w’ikipe y’umupira w’amaguru y’inteko ishinga amategeko ya Uganda.
Beatrice Anywar, azwi cyane ku gatazirano” Mama Mabira” ndetse akaba ahagarariye umugi wa Kitgum mu nteko ishyinga amategeko kuri ubu akaba yashizwe muri Komisiyo ishinzwe ibidukikije, dore ko yakunze kugaragara cyane mu bikorwa bigamije kubungabunga ibidukikije cyane cyane mu mwaka wa 2007 aho yayoboye umuryango witaga ku bidukikije ( save mabira crusade) arwanya cyane abashakaga gutema amashyamba kugira ngo babone aho guhinga isukari.
RABINALI Nebanja; ahagarariye abagore mu Karere ka Kakumiro ,akaba n’umwarimu aho afite impamyabumenyi ya Masters mw’iterambere ry’ubugeni n’ubukorikori ndetse akaba anafite impamyabumenyi ya kaminuza mu masomo yerekeranye no kwishyira ukizana n’iterambere. Izi mpamya bushobozi akaba yarazikuye muri Kaminuza ya Uganda Martyrs .
Uyu akaba ari umwe mu bashigikiye bikomeye guhindura itegeko nshinga mu ngingo yavugaga ku myaka y’umukuru w’igihugu agomba kutarenza ngo abe umukuru w’igihugu.
Peter Ogwang; uhagarariye akarere ka Usuku mu nteko ishinga amategeko akaba yasimbuye kuri uyu mwanya Aid Natamba. Mbere y’uko ajya kuri uyu mwanya akaba yari akuriye urubyiruko muri Rejiyo y’iburengerazuba kuva mu 2011 kugeza 2016. Uyu nawe akaba yaragize uruhare rufatika mu guhindura itegeko nshinga ryatumye Museveni yongererwa Manda.
MOLLY Kamukama nawe : yagizwe minisitiri ushinze ubukungu mu biro bya Perezida Museveni. Uyu mwanya ukaba utarusanzwe mu biro bya Perezida Museveni. Yari asanzwe ari umujyanama wihariye wa Perezida Museveni ndetse n’Umujyanama mu bya politiki mu ishyaka rya NRM ndetse mu mwaka 2016 ubwo habaga amatora akaba yari umwe mu bayobozi bo hejuru ba NRM.
MAGYEZI Raphael; uyu nawe yagaragaye mu bukangurambaga bwo guhindura itegekonshinga kugira ngo Museveni akomeze kuyobora, akaba yarabaye umwe mu bagize inteko ishinga amategeko, aho yari ahagarariye agace ka Igara mu Karere ka Bushinyi kuva mu mwaka wa 2011 ndetse akaba yarakoze mu nzego zitandukanye za leta, nk’aho yarashinzwe igenamigambi mu Karere ka Mukono kuva 1992- 1996.
Kuri ubu, yagizwe umuyobozi mukuru wa Komite ishinzwe ubutegetsi bw’igihugu na service za leta, umwe mu bagize komite ishinzwe uburenganzira bwa muntu ndetse n’umwe mu bagize komite ishinzwe ishoramari mu nteko shingamategeko.
HELLEN Adoa yagizwe uhagarariye abagore mu Karere ka Serere ku tike y’ishyaka NRM riri ku butegetsi muri Uganda anagirwa umwe mu bagize Komite ishinzwe ubuzima munteko ishinga amategeko.
Abasesenguzi mu bya Politiki bakomeje kwibaza impinduka z’iyi Guverinoma Perezida Museveni yamaze gushyiraho, dore ko abatavuga rumwe na Leta bakunze kumunenga ko Guverinoma ya Uganda ndetse n’ubutegetsi bwite bwa Leta bose ari abasaza n’abakecuru, bityo muri iki gihe akaba nta mujyanama akigira kandi aho Uganda igeze ikeneye amaraso mashya.
Hategekimana Jean Claude
