Imbuga nkoranyambaga na internet byongeye gukomorerwa nyuma y’amatora
Amakuru aturuka mugihugu cya Uganda aravuga ko guhera ku isatatu za mu gitondo none kuwa 18 Mutarama 2021,Imbuga nkoranyambaga n’umuyoboro wa interineti byongeye gufungura nyuma y’igihe kinini bidakora.
Umwe mu baturage batuye mu mujyi wa Kampala waganiriye n’isoko y’amakuru ya Rwandatribune,avuga ko biruhukije nyuma y’igihe batari bakivugana nababo ku mirongo ya watsapu fasibuku n’ibindi,ibi bikaba byarakozwe na Leta ya Museveni mu rwego rwo kwirinda imyigaragabyo y’abashigikiye Bob wine.
Twababwira ko imbuga nkoranyambaga zafunzwe kuwa 13 Mutarama 2021 buracya haraba amatora,iki gikorwa kikaba cyaramaganywe n’imiryango mpuzamahanga ndetse n’ibihugu bikomeye ku isi aho byavugaga ko bibangamiye uburenganzira bwa muntu.
Komisiyo y’Amatora muri Uganda kuri uyu wa Gatandatu tariki 16 Mutarama 2021 yatangaje ko Yoweri Kaguta Museveni ari we watsinze amatora ya Perezida, yabaye muri Uganda ku wa Kane tariki 14 Mutarama 2021, agira amajwi 5,851,037, angana na 58.64%.
Robert Kyagulanyi (Bobi Wine) yaje ku mwanya wa kabiri n’amajwi 3,475,298, angana na 34.83%.
Hategekimana Claude
