Ukuri ku mafaranga y’umurengera bivugwa ko yatswe abarangije muri UTB

Kaminuza yigenga ya UTB,  yanyomoje amakuru yatangajwe n’ikinyamakuru BTV,  ivuga ko hari amafaranga yongereye umunyeshuri asabwa gutanga mbere y’uko akora umuhango wo gusooza amasomo (Graduation) angana na 165,000 y’amafaranga y’u Rwanda.

Mu butumwa bunyomoza ayo makuru yatanzwe,  ubuyobozi bwa UTB buvuga ko Tweet yanditswe na BTV kuwa 08/08/2021 ko atari ukuri ahubwo ko yayobya abantu, baragira bati: ” Turamenyesha abanyeshuri bose n’abafatanyabikorwa ndetse n’abantu ko tweet babonye ihabanye n’ukuri”.

Rwanda Tribune yavuganye na Prof. Dr.  Kabera Callixte ahakana aya makuru yo kongera amafaranga abarangiza Kaminuza ati :” Ntabwo ari byo, itangazo twabahaye rirasobanutse.  Amafaranga asabwa kwishyurwa ni asanzwe yishyurwa kuva 2009, hari ababa batarishyura yose. Avugwa mu itangazo ni 75.000frw. Ayandi avugwamo ni 15.000Frw ya Caution iyo umuntu asabye gutahana  gown iwe, iyo ayigaruye ayasubizwa yose.

Andi avugwa ni 3000 Frw, aya ni ayo tuzaha buri munyeshuri urangiza ngo  agure bandles za internet, akurikire online graduation. Nta faranga na rimwe rishya cyagwa ry’inyongera twaka abanyeshuri.Abarangije mbere ni aya bishyuraga. Uwishyuye minerval ye yose, nta na kimwe basabwa kwishyura, ureter caution ya gown azasubizwa ayigaruye. Nuwayabura, arandikwa akayitwara!

Ubuyobozi bwa UTB bwaboneyeho kwizeza Abanyeshuri n’abandi bafatanyabikorwa ko nta mafaranga mashya yinyongera yakwa umunyeshuri kuri graduation atari asanzwe ari mu mafaranga umunyeshuri yishyura buri mwaka muri UTB,  ngo akaba atarigeze ahinduka kuva mu mwuka wa 2009.

Kuri iyi nshuro ya Munani (8) Graduation izakorwa  hazakoreshejwe  ikoranabuhanga ry’iyakure, ikazaba ku itariki ya 19/8/2021. abarangiza bari mu mashami atandukanye yigishwa muri UTB, bararenga 1,134 . Barimo icyiciro cya 2018/2019 na 2019/ 2020, batakoze graduation kubera Covid 19.

Nkundiye Eric Bertrand