Mu matora y’abagize inteko inshingamategeko ya Iraq , byatunguranye gusanga ku rutonde umugore wapfuye mu kwezi kwa munani ari umwe mu batorewe guhagararira umurwa mukuru Bagdad mu nteko ishingamategeko.
Ikinyamakuru Middle East Monitor dukesha iyi nkuru cyavuze ko Uyu mugore witwa Ansam Manuel Iskandar, bivugwa ko yiyamamaje nk’umukandida wigenga, aho yatsindiye amajwi 2,397 agatorerwa guhagararira umuryango wa Gikilisitu mu ntek ishingamategeko ya Iraq.
Insinzi y’uyu mukandida witabye Imana ntiyakiriwe kimwe n’abakoresha imbuga nkoranyambaga , aho bamwe bagiye bagaragaza ko , leta ya Iraq yakoze amakosa akomeye yo gutangaza ko Iskandar yatsinze amatora nyamara bizwi neza ko yapfuye, mu gihe abandi babifata nk’urwibutso rwiza asigiye umuryango we.
Umuryango we wifashishije urubuga rwa Facebook yari asanzwe akoresha wemeje amakuru y’uko yapfuye, aho bavuze ko “ Yapfuye kuwa 24 Knama 2021 nyuma yo kwandura Corinavirus binakekwako yanduriye mu bikorwa byo kwiyamamaza”.
Amatora y’abagize inteko ishingamategeko mu gihugu cya Iraq yabaye kuwa 10 Ukwakira 2021 , Ni amatora yaranzwe n’ubwitabire buke dore ko mu bagombaga kwitabira aya matora 41 % byabo aribo bigaragara ko bitabiriye.
