Hashize iminsi mu binyamakuru bitandukanye no ku mbuga nkoranyambaga, hari amakuru y’uko umunyarwanda Ben Rutabana usanzwe ubarizwa mu mitwe irwanya leta y’ u Rwanda avuga ko yashimuswe.
kuri ubu amakuru umugore wa Ben Rutabana, arashinja ishyaka RNC rya Kayumba Nyamwasa kuba inyuma y’ishimutwa ry’umugabo we Ben Rutabana.
Diane Rutabana umugore wa Ben Rutabana, yabwiye Ijwi ry’Amerika ko bavuganye n’abanyamuryango ba RNC ntibagire icyo bamumarira ndetse bamubwira ko bazi aho aherereye ariko bakanga kuhamwereka.
Yagize ati:”Twagerageje kuvugana n’abanyamuryango ba RNC, tubabaza amakuru ya Ben kuko tutamubonaga bo rero ntabwo babashije kugira icyo batumarira, ariko abenshi bagendaga batubwira ngo numuhumure ati araho ari amahoro ngo ntabwo muri ino minsi ari kubashaka gukomunika kubera impamvu z’umutekano ariko arakomeye”.
Diane Rutabana akomeza avuga ko babajije impamvu ituma umugabo we atavugana n’umuryango we, abanyamuryango ba RNC bamusubiza ko “Ari impamvu z’umutekano ariko arakomeye bamwe batwizeza yuko bazaduhuza na we kuri telephone hari babiri babidusubiriyemo batubwiora bati tuzamushyira telephone aho ari muvugane turabitegereza turaheba kandi abo banyamuryango ba RNC bemezaga ko bazi aho ari kandi bemezega ko ari amahoro.”
Gervais Condo Umunyamabanga w’Ihuriro nyarwanda RNC, yabwiye Ijwi ry’Amerika ko batazi aho umurwanashyaka ukomeye wa RNC Ben Rutabana batazi aho ahari.
Ati:”Reka nongere mbisubiremo kandi mbivuge nkomeje ahantu yagiye ntabwo yagiye ari mu butumwa bw’ihuriro ntabwo twari tuhazi icyabayeho mu rwego rw’akazi twagerageje kumuhamagara dusanga telephone ye itariho”.
Gusa ku ruhande rw’umugore wa Ben Rutabana, we anyomoza ibyo Gervais Condo avuga ko umugabo we agenda yagiye avuga ko ari mu butumwa bw’akazi ku buryo n’abanyamaryango ba RNC baba bazi aho aherereye.
Ati:”Ntabwo bashobora kuvuga ngo ntabwo bazi aho Ben yagiye cyangwa uko yagiye, kuko n’igihe yagendaga hari abanyamuryango bandi bahuriyeyo njyewe yarampamagaye akihagera twaravuganye ko akiri amahoro hashize iminsi mbura communicationye”.
Gervais Condo akomeza avuga ko batigeze bihakana Ben Rutabana, ahubwo na bo bahangayikishijwe nuko yaburiwe irengero.
Ati:” Si ukuvuga ngo umuntu arihakana umuntu uri mu byago ni umusangirangendo, ni umuntu ukomeye duhangayikishijwe no kuba natwe twamenya irengero rye”.
Kugeza ubu abarwanashyaka ba RNC, bakomeje kwisubinamo kubera ishimutwa rya Ben Rutabana.
Ubwanditsi
