Umukuru wa polisi yo mu mujyi wa Atlanta muri leta ya Georgia muri Leta z’unze Ubumwe z’Amerika yeguye ku mirimo ye nyuma yaho Umunyamerika ukomoka muri Afurika w’umugabo yishwe arashwe.
Ubuyobozi bwo mu mugi wa Atlanta bwatangaje ko Rayshard Brooks w’ imyaka 27 y’amavuko, yarashwe n’umupolisi mu mvururu zabaye ku mugoroba wo kuwa gatanu.
Ibi byatumye umuyobozi wa polisi muri uyu mujyi yegura kubwo kugaragaraza ko adashyigikiye ivangura ruhu ririmo gukorerwa abirabura.
Keisha Lance Bottoms ni umuyobozi w’umujyi wa Atlanta.yagize ati: “Erika Shields, yari akuriye polisi muri Atlanta yangejejeho ubwegure ku mirimo bwe ku munsi w’ejo ku wa gatandatu.”
Bottoms yavuze ko Madamu Shields azakomeza gukora mu rwego rwa polisi ya Atlanta ariko agahindurirwa imirimo.
Abigaragambya bakomeje imyigaragambyo bafunga umuhanda munini wa Interstate-75 – w’i Atlanta basaba ko hagira igikorwa ku rupfu rwa Brooks.
Banatwitse kandi resitora yitwa The Wendy’s aho Brooks yarasiwe.Umupolisi yarashe Brooks aryamye mu modoka ye ategereje ko bamuha ibyo kurya.
Erika Shields yari umukuru wa polisi ya Atlanta kuva mu kwezi kwa cumi na kabiri mu 2016 ndetse yari amaze imyaka irenga 20 ari umupolisi i Atlanta.
UMUKOBWA Aisha
